Askotarikoak

Euskaraz idazteko lagungarri den Libreoffice hedapena.

Duela urte batzuk libreofficerako egindako hedapen txiki hau eguneratu dut, akats txiki batzuk konponduz. Kodea eta hedapena githuben daukazue. Gauza handirik ez espero , ez naiz programatzaile eta disenu lanetan batere trebea.

Nola Instalatu

OXT luzapena duen fitxategian klik bikoitza eginez libreofficen instalatuko da.

Itxura

Azalpena

  1. Hautatutako testua euskaraz zuzentzen du.
  2. Hautatutako testua gazteleraz zuzentzen du.
  3. Bi zutabeko taula bat sortzen du. Ezkerrean euskaraz eta eskuinean gazteleraz zuzentzen du. Erdian tarte bat uzten du.
  4. Hitz bat hautatzen badugu itzulpena Zehazki webgunean bilatuko du. Ez baldin badugu ezer hautatu, leiho bat irekiko da eta itzuli nahi dugun hitza eskatuko digu.
  5. Hitz bat hautatzen badugu itzulpena Elhuyar webgunean bilatuko du. Ez baldin badugu ezer hautatu, leiho bat irekiko da eta itzuli nahi dugun hitza eskatuko digu.
  6. Hitz bat hautatzen badugu esanahia Euskaltzaindiaren webgunean bilatuko du. Ez baldin badugu ezer hautatu, leiho bat irekiko da eta nahi dugun hitza eskatuko digu.

TP-link bideratzaile neutroa moduan.

Orain dela gutxi telekomunikazio hornitzailea aldatu dugu eta ondorioz, etxeko sarea birplanteatu behar izan dut. Zerbitzari xume bat daukat etxean muntatuta eta ezin kanpora atera. Aste bat pasa nuen erotzen eta azkenean deitzea erabaki nuen. Dirudienez CG-NAT baten atzean nengoen eta horrela ezinezkoa zen. Ateratzeko eskatu eta 24 ordutan iritsi zen askatasuna. Hala ere ez zen nahikoa izan.

Enpresa honen bideratzailea mugatua dago. Zenbait gauza ezin dira egin , adibidez beharrezkoa dudan 443 portua irekitzea ezinezkoa da, portu hori, behar omen dute bideratzailean aldaketak egiteko. Bideratzaile neutro bat bilatzen hasi nintzen interneten eta Microtik bat erostea erabakita nuenean konturatu nintzen ez dela denbora asko AP bat muntatu nuela etxea.

Tp-link etxeko bideratzaile merke bat AP moduan konfiguratua nuena. Software bidezko firewall baten atzean zegoen 8 portuko switch batekin elkarlanean. Asmoa zen wifi eta kable bidezko konexioak elkarbanatzea firewall horrek ematen zidan lasaitasunarekin.

Ezer erosi aurretik eta kontzeptu gisa, AP-a bideratzaile moduan konfiguratu eta zuzenean internet daukan bideratzailearekin konektatu dut. Hasierako bideratzailera beharrezkoa da ez baitaukat ont bat eta gainera irakurri dudanez bateragarritasun arazo asko omen daude.

Konexioa bi bideratzailetan lehendabiziko portuan egin behar da. Internet menuan ip dinamikoa aukeratu eta mac klonazioa ere markatuko dugu. Bukatzeko bidalketa honen hasieran dagoen irudiko datuak bete ditut. Garrantzitsuena: iptv/vlan markatu, gero custom eta internet vlan id 20 eta prioritatea 0. Beste datuak asmatu egin ditut.

Telebista, kodi eta tvheadend bitartez.

Egia esan, ez dut telebista asko ikusten baina aspaldidanik nuen proiektu hau berregiteko gogoa eta uste baino askoz errazagoa izan da… oraindik kate batzuk falta zaizkit eta internet bidezko batzuk gehitu nahiko nituzke baina momentuz nahikoa .

Hasteko beharrezkoa izango dugu dvbt usb gailua. Lehen behintzat arazo ugari zegoen konpatibilitatearekin baina nik aspaldiko wintv nova-t hauppauge bat nuen kaxoi batean gordeta eta hori erabili dut. Bidegarritasunaren arabera berri bat erosiko nuke web orri hau kontutan edukita.

Raspberry 2 batean konektatu dut. Rasperry pi os sistema eragilea instalatu ondoren kodi ere instalatu diot.Gero terminala erabiliaz tvheaend.

sudo apt install tvheadend

Instalazioa amaitu aurretik erabiltzaile eta pasahitz bat eskatuko digu kudeatu ahal izateko. Web nabigatzailea ireki eta hurrengo helbidea sartuko dugu: http://localhost:9981. Lehen emandako erabiltzailea eta pasahitzarekin webgunean sartuko gara.

Lehendabizikoz sartzen garenean morroi bat irekiko zaigu, non hizkuntza, kokapena etab ezarriko ditugun. Gero mux-ak sartzen hasi gaitezke. Mux bakoitzeko 8 kate. Kontrolatzen ez dudan gai bat da baina beheko irudian, nik erabilitako frekuentziak ikusi ditzakezue (Oreretan).

Denbora pixkat utzi beharko diogu zerbitzu guztiak eskaneatu ditzan. Hurrengo pantailan nahi ditugun zerbitzuak hautatu eta mapeatuko ditugu. Honekin tvheadend konfigurazioa bukatutzat eman dezakegu.

Kodi irekiko dugu eta hedapen berri bat instalatuko dugu: Tvheadend htsp client. Ez baldin badugu aurkitzen eskuz instalatu beharko dugu:

sudo apt install  kodi-pvr-tvheadend-hts

Hedapena instalatua daukagunean konfiguratu egingo dugu. Nahikoa izango da ip-a tvheadendeko erabiltzailea eta pasahitza ematearekin. Gero, kodi berrabiarazi eta telebista kateak ikusi al izango ditugu.

Ubuntu kanpoko disko batean

Oraingo honetan laneko windows ordenagailuan linux nola instalatu nuen partekatuko dut. Lehendabizi barneko diskoa zatitzea pentsatu nuen baina lanean bitlocker delakoa erabiltzen dugu. Azken finean diskoa enkriptatzeko balio du. Desenkriptatu beharko nuke linux instalatu eta berriro enkriptatu. Eta gaizki aterako balitz ordenagailua berriz prestatu beharko, alferkeria handia. Beste alde, kanpoko disko bat erabilita , berrerabili dezaket beste ordenagailu batean. Azkenean horrela egitea erabaki nuen.

Jarraitu irakurtzen →

110 euroko tirafondoa!

Normalki, gauza bat bota aurretik, konpontzen saiatzeko ohitura daukaten horietakoa naiz. Kasu honetan, mikrouhinaren atea isteko balio duen pieza txuri txiki bat ondatu eta dendara joan nintzen berria erostera. 110 euro! Ez dute pieza soilik saltzen, zirkuitu elektroniko guztia erosi behar.

Dendariarekin hitzegiterakoan ideia bat bota zidan: Torloju bat edo jarri ezkero? Esan eta egin. Tirafondoa sartu, burua kendu eta 3d imprimagailuaren filamento pixkat inguruan urtu nuen lehuntzeko . Atea itxita gelditzea lortu nuen.

Herriko edozein denda txikian gerta litekeen istorioa da, horregatik partekatu nahi nuen zuekin.

Nextcloud instalatzen

10 urte inguru pasa dira Owncloud lehen aldiz instalatu nuela… Gero Karlitschek proiektua utzi eta nextcloudekin hasi zela jakitean, Openoffice-libreoffice garaiak ekarri zizkidan burura. Nextcloud proiektuarekin gertutasun gehiago nuela pentsatu eta aldaketari ekin nion….jadanik urte batzuk dira Nextcloud erabiltzen dudala baina aspaldi ez dudala instalazio osoa egin.

Jarraitu irakurtzen →

Telelana

Hilabete pasa da konfinamenduan gaudenetik. Nire kasuan ez da ltelelana egiten dudan lehen aldia. Baina oraingoan haurrak ez daude ikastolan eta ez da berdina.

Goizetan denok lanean eta nahiko erraz pasatzen ditugu… Haurrak ikastolan ezarritako lanak egiten dituzte eta ni, gela itxi eta lanera. Bazkaltzen dugu eta haurrak zuzenean ps4-an jolastera; nik orduan kaskoak jarri eta azkeneko sprinta egiten dut. Bukatzean mahai joko edo proiektu bat familian egiten saiatzen gara baina ez dugu beti lortzen… egia esan, ez ditugu asko behartzen nahiko ondo portatzen baitira eta egun bereziak dira.

Jarraitu irakurtzen →

Baratzan.Udako uzta bukatzear

20130913_202019

Aurten ez du eguraldi ona egin eta  ezin izan dugu baratza aurrera atera, hala ere zeozer ematea lortu dugu.  Gu ez gara arriskatu, baina ezagutzen ditut batzuk, bi eta hiru aldiz landatu behar izan dutenak. Horregatik ez dut askorik idatzi. Joaten nintzen bakoitzean kriston “bajoiarekin” bueltatzen nintzen

San Isidrotan izaten da garai ona tomatea, piperra, etab … landatzeko. Aurten hilabete beranduago hasi gara, eta gainera, lortu genituen  landareak txikiak eta ez zuten itxura ona. Ia tomate uzta guztia galdu dugu.  Maiatzaren azkeneko astean tipula landatu genuen. Ekainaren azkeneko astean landatu genituen: tomateak, piperrak, espinakak,lekak eta babarruna.

20130915_143554

Balkoiko baratzarekin ez dugu zorte handirik izan. Letxua, hasierakoak ondo eman zuen gero ez dugu lortu besteak aurrera ateratzea. Cherry landare bat jarri genuen eta tomate batzuk eman zizkigun baina landarea ondatzen hasi  zen, lurreko baratzakoekin batera.  Orain berriro hosto batzuk atera zaizkio, ea berpiztea lortzen dugun . Marrubi landareek gutxi eman digute eta azkenean kendu behar izan ditut. Ondo atera den gauza bakarra semeak ekarritako babarrun landarea. Ikastolan, baso batean kotoia eta babarrun alea jarri zuten. Ikasturte bukaeran etxera ekarri zuen eta esperimentu gisa landatu genuen. Ari da zerbait ematen. Atzo chili landarea jarri nuen. Iadanik jasotzeko dago baina piper batzuk lehortzen utziko ditut eta hurrengo urterako hazitegian sartu nahi dut hazia. Nik uste dut eguraldiaz aparte lurra ez zela oso ona. Sustrato unibersal bota genuen bakarrik. Beste baterako ikasi dut lurra garrantzitsua dela.

Lurreko baratzera bueltatuz. Espinaka zerbait atera genuen baina bapatean tontortzen hasi eta  landarea kendu behar izan genuen. Aurrera atera diren tomateak etxeraka ekartzen hari gara. Gorritzen hastean hartu eta lehortzen uzten ditugu.

Piper landareak ondo ematen ari dira. Nire ustez iaz landare bakoitzeko piper gehiago ateratzen genituen, baina ez naiz kexatzen. Gehien bat frijituak jaten ditugu. Baina enbotatzen ere ari gara . Denda batean horretarako den ozpina saltzen dute eta han erosten dugu. Bestela guk ere egin dezakegu baina gatza bota behar zaio. Batzuk olioa ere. Guk herriko denda horretan eginda erosten dugu. Potean piperrak sartzen ditugu eta ozpina botatzen dugu bete arte. Ordu batzuk itxoiten ditugu piperrak ozpina xurga dezaten eta berriz betetzen dugu. Itxi eta gorde.

Tipula guztia atera dugu . Bere ordez porruak sartu ditugu. Ziento bat. Tipula lehortzen utzi behar da. Guk labeko bandejetan zabalduta dauzkagu.

20130903_185534

Lekak ere oso ondo ateratzen ari dira . Babarrunak dirudienez ondo emango du. Orain landatu ditugu alkatxofa, brokoli eta bruselako azatxoak.  Ari dira landareak handitzen. Azenarioa ere landatu genuen baina semeak hazi poltsa osoa bota zuen leku berdinean. Saiatu nintzen pixka  bat zabaltzen baina uste dut gutxi eta gaizki emango duela. Gainera ateratzen direnak txikiak leku faltagatik.

Aurten bi esperimentu egin ditugu. Meloia eta dilistak. Meloi landarea abuztu erdialdean landatu genuen, bai oso berandu. Landare elegantea daukagu, meloirik ez. Ondoko baserri batekoari atera zaio meloia. Hurrengo urtean meloia landatuko dut.

Dilistak ere atera dira. Interneten begiratzen egon nintzen eta informazio gutxi aurkitu nuen, beraz landatzea erabaki nuen. Txitxirioak bezala ateratzen da. Banaka hartu eta aletu behar dira. Landarea ez da oso altua.

20130829_140819

Baratza balkoian Apirilak 29 – Maiatzak 05

Aste honetan baratzara joan gabe  eta balkoian ditudanak partekatuko ditut.  Goiko aldean neguan landatutako marrubiak. Landarea lore gutxi batzuekin erosi genuen. Landare txikia. Baina hasi dira marrubiak gorritzen. Bat, guk jan zain dago.

Beheko aldean  perrexila. Orain dela bi hilabete prestatua. Bi zanga txiki, ez oso sakanonak, egin nituen eta hazia bota nuen. Gero ur pixka bat.  Ia egunero euria egin duenez ez dut asko ureztatu.  Bero asko egin duen egunetan , gaualdean ur pixka bat eta kitto.

Jarraitu irakurtzen →

Baratza Apirilak 15-21

Aurten baratzan egindakoak partekatzen saiatuko naiz.  Aurreko urtea izan zen aitzurra hartzen nuen lehen aldia. Egia esan , zorte haundia izan genuen, lurrak asko eman  zigun baratza txikia izan arren.

Argazkian neguan landatutakoak ikusten dira. Ezkerraldean Ilarrra,nahiko loretsua eta leka ematen hasia.  Bukaeran baratxuria eta azenario gutxi batzuk  eta aurrekaldean duela bi hilabete landatutako porruak. Eskubialdean , lurra, garbitua eta arrotuta . Baratza prestatzeko lehendabiziko pausua.