Proiektu honetan etxean ditugun kodi guztiak mysql datu base batekin konektatuko ditugu bideo liburutegi bakarrean. Honetarako filmak, serieak, musika, etab… samba unitate batean gordeko ditugu.

Liburutegi bakarra edukitzeaz gain beste aukera batzuk emango dizkigu, adibidez, filma bat gela batean gelditu eta beste gela batean ikusten jarraitzea.

Nire kasuan, kodi gailu desberdinetan daukat instalatua eta ez dut arazorik eduki. Kodi instalatzeko prozesua alde batera utziko dut, gida asko daude interneten eta gailu askorekin bateragarria da..aipatzeagatik soilik, raspberry pi 2an dudan instalaziorako recalbox delakoa erabili dut. Honek emuladoreekin jolasteko ahalmena ematen baitit. Lehen, retropie, osmc edo raspbianen zuzenean instalatuta eduki dut.

Mysql datu basea prestatzen hasiko ginateke. Zerbitzarian dudan mysql 7.4 erabiliko dut, baina mysql zerbitzaria instalatu beharko bazenukete, hau exekutatu:

sudo apt-get install mysql-server

Kodik bi datu base erabiliko ditu: MyVideos% eta MyMusic%. Hurrengo pausutan erabiltzaile berri bat sortuko dugu eta soilik bi datu base hauek erabiltzeko bahimen osoak emango dizkiogu:

sudo mysql -u root -p

CREATE USER 'kodi' IDENTIFIED BY 'kodi';
GRANT ALL ON `MyVideos%`.* TO 'kodi'@'%' IDENTIFIED BY 'kodi';
GRANT ALL ON `MyMusic%`.* TO 'kodi'@'%' IDENTIFIED BY 'kodi';
flush privileges;
\q

Beste aldaketa txiki bat ere egin beharko dugu . Alde batetik konexio lokaletarako, suebakian 3306 portua ireki eta mysql.cnf fitxategia editatu:

sudo nano /etc/mysql/mysql.conf.d/mysqld.cnf

bind-address = 127.0.0.1

Zerbitzariaren ip-arekin alderatu:

bind-address = 192.168.0.1

Orain mysql zerbitzaria berrabiaraziko dugu :

sudo service mysql restart

Mysql zerbitzaria prest izango genuke, orain konfigurazio fitxategi bat sortuko dugu:

sudo nano ~/.kodi/userdata/advancedsettings.xml

<advancedsettings>
  <videodatabase>
    <type>mysql</type>
    <host>***.***.***.***</host>
    <port>3306</port>
    <user>kodi</user>
    <pass>kodi</pass>
  </videodatabase> 
  <musicdatabase>
    <type>mysql</type>
    <host>***.***.***.***</host>
    <port>3306</port>
    <user>kodi</user>
    <pass>kodi</pass>
  </musicdatabase>
  <videolibrary>
    <importwatchedstate>true</importwatchedstate>
    <importresumepoint>true</importresumepoint>
  </videolibrary>
</advancedsettings>

Fitxategi hau kodi-ren userdata karpetetan kopiatu beharko genuke.

Bukatzeko kodi konfiguratu beharko dugu. Samba zerbitzariaren ip helbidea erabiltzea gomendatzen dut zeren gailu batzuk agian ez lukete ulertuko. Konfigurazio hau gailu guztietan egin eta beheko irudian bezala konfiguratuko ditugu:

Nahi izanez gero, edukia ere gailu guztietan konfiguratu dezakegu baina bestela bat konfiguratu eta hori erabiliko dugu liburutegiaren edukia eguneratzeko.